Cabdiqani Maansaawi

  Madax dhaqameedku dhisitaanka Soomaalilaan waxa ay kasoo qaateen kaalin muhiim ah, taas oo aan marnaba indhaha laga lalin karin balse maanta kama hadlayno kaalintooda togan ee waxa aynu dul istaagaynaa kaalinta taban ee ay ku yeesheen dawladda iyo bulshadaba. Soomaalilaan xukuumadihii kala danbeeyey midiba qaab ayay ula macaamishay madax dhaqameedka. Tusaale, Madaxwayne Cigaal waxa uu kamid ahaa dadkii rabay in la dhimo awoodda madax dhaqameedka ee siyaasadda, waxa ugu wayn ee aynu xusi karnaana waa in doorashadii gacantaagga la isku xulan lahaa uu ka soo hoos saaray oo uu ka dhigay mid shacabka gacantooda ku jirta. Daahir Riyaale oo kursiga ka dhaxlayna waxa uu qaaday waddada saaxiibkii.  Madaxwayne Siilaanyo oo sannadii 2010-kii kursiga kala wareegay madaxwayne Riyaale, waxa uu kursiga ku soo gaadhay awoodda madax dhaqameedka taas oo markii danbe noqotay awood ka ag dhisan awooddii dawladnimada. Kaddib waxa kursiga uga danbeeyey madaxwayne Muuse, kaas oo isna kursiga ku so...

  Sawir aan ku sameeyey Ai Waa subax hore, waxa uu fadhiyaa figta buur u dhaw hoyga uu daganyahay. Waxa labadiisa farood ku sii libdhaysa mid sigaara oo uu aad u nuugay. Waxa ay naftiisa ka fekeraysaa laba go'aan in uu mid uun doorto. Isagoo faqaas ku maqan ayuu galay xasuus dheer.   “Waa galab, hadda ayuu soo xareeyey baraarka oo ah xoolaha keliya ee uu raaci karo. Waxa muska jeesku daganyahay soo istaagay gaadhi cad. Waxa soo dagay walaalkii Warsame oo ah curadka qoyska. Mar mar uu soo booqdo mooyee inta baddan waxa uu maqli jiray in uu magaalo ku maqanyahay. Markuu soo galay salaan ka bacdi waxa uu xaafadda u sheegay in uu helay shaqo wanaagsan, imikana uu ku talo jiro in uu walaalkii Mooge u diro waxbarasho anfacda qudhiisa iyo ta qoyskoodaba. Wuu ku farxay hadalkaa. Ambabax maalmo qaatay kadib subax ay dhulka dhado jiifto ayay usoo jarmaadeen magaallada. Isla ayaamo kooban kadib waxa la geeyay dugsi iyo mulcaamad uu ka barto quraanka. Halkaas waxa ka bilaabmay hayaan dh...

Indhawyd tixdaydiyo Ta’da maansadaydii Maan tirin dhankeedo Waan xiiso tuulmee Caawaba tubteediyo Dariiq toosan maw maray Ruux haduu wax kuu taro Dayn weeye kuu taal Maalintuu Wax Kaa Tabo Adna Yeel Tabtii Uu Kaa Yeelay taadii Ilayn Taranta Waayuhu Ways isdaba Taxnaantaa Adoo Tookhi jiray Waa Wakhti Kaa Talaabsada Oo Kugu Tuntaa Iman Adigoo Tun Waynaa Oo Lacagta Tirin Jiray Wakhti kaa tarxiiloo Tifyar kaa dhigaa iman Adigoo ku taagnaa Oo tacab u soo huray Dariiq kuusha tagayana Ayuu kuu taraarshaa Meel aan cidiba taabayn Oo nololi taagnayn Adoo farax tumaatiyay Tamashleeyay maantaba Ayay taa xigaysiyo Baritoole kuu talin Ooy murugo kuu tabin Iyo tawsta waayaha Adna Ruux Talaabsada Oo Guusha Taabsada Noqo oo Wax Tari kara Dadka kiisa Taag Daran Tusmo weeyi Maansadu Waa sida tiriig laydh Waxay toosinaysaa Ruux hankiisa tiiriyay Oo raba tub nololeed Iyo taashka aayaha Tani duunyo weeyaan Wallee say u tuban tahay Nina toban masoo hello Adoo tiro sagaal helay Hal aad tabasaa maqan Tani duun...

Ayaantii barashadeenaa Bilowgii abqaalideena Markaan beeraynay caashaq Wanaagi dushaada buuxay Ayaa beer qaaday ruuxda Bishiyo sanadkaan agtaada Ku qaataa badhaadhe hayde Bilaahi intaad u gaarka Lahayd ma qarshoo biiyo Waxaan kaa helay baxnaano Waxaan kaa helay bogsiimo xanuuno horaad bakhtiisay intaad bi'isaad daweysay Waxaad igu tidhi ha baydhin Waxaad igu tidhi ha booyin Qayrkaa haw beer jileecin Ka barro nolosha adayga Waxaad tirtay baylahdayda Waxaad tirtay baahidayda Barwaaqaad iigu deeqday Samaan badanbaad I siisey Farxado buuraad I siisay intii bilanbaad i siisay Bureeqa naftaad hadaysay Wakhtigu waa seefe baayo Haduu buray caashaqeenu Kashaydu ku baajin mayso Xasuustuna waa badhkay ye Wanaagaagii ma biiyo Tacliin basharaad ahayde Insaan boqran baad ahayde Kheyr iyo barakaad ahayde Burjiga ruuxdaad ahayde Baqooshaye macasalaama Xayaatadu wayska baase Ducaan kuusoo badshaaye Dunida baalkaad ka joogto Ha buuxdo agtaada rayni Kuwaar farxad taw boqraysan Cabdiqani-Maansaawi Yuu...

Isaga oo og in uu subaxa halkii ka bilaabi doono noloshana qarfaha miidhan ah waxa uu isku diyaariyey in uu u soo dheelmado dhankaa iyo hoyga uu daggan yahay. Waakan macasaameeyey asxaab ay habeenkii kuwada caweeyaan golahan yar ee maqaaxida ah oo ay ku kulmaan badiba. Sida caadada u ahna waxa ay fadhiistaan luuq yar oo mugdi ah, iyaga oo saacaddii soo martaba mar qaxweeya, mar qiijiya, marna xaaladda dalka gorfeeya, marna nolosha waayeheeda ee Afrika haysata, siiba tan Soomalida miiska soo saara oo hadba dhan ka istaaga. Kaligii ayuu soo baxaa habeen walba, inta uu jidka kusoo jirana waxa la hadasha naftiisa oo aan nolol dagan arag intii uu soo noolaa ba. "Maxaa sababay in aan qaabkan bilaa qorshaha ah u noolaano? Ma inagaa dooranay, mise waa la inoo dooray? Cilmiga aynu dhigano maxaa anfacii ka qaaday? Oo uu u dhalaa tuug iyo khaa'in? Maxaa aynu ugu noolnahay noloshan bilaa ciwaanka ah?" Maxaa, maxaa, maxaa.... Maxaan iska dawakhinayaa sow kuma nooli Afrika, sii ba Soom...